صــبـاح الخــير يـا ابـني
صــبـاح الخــيـر يــا ......
مــش هـايـن عـليـك تـقولـي يا أمي
أنتي لـسه فـاكـره
وازاي عـايـزنـي انـسى ؟
زي ما نـسـتيـني
لـو نـسيـتك طـيب لـيه جيـتك
زيي زيـك مسـغرب وجـودك
جـايـه اطـمن عـلى حـالـك
ولا جـايـه تشمـتي فـ عـيالـك؟
هو فـي أم تـكره عيـالهـا !!
أمـال قـوليـلي أرضـك أيه جـرالهــا ؟
مـالها أرضـي ؟
فوقـها حضـاره و تـاريـخ و نـاس بتـحمـي عرضـي
قصـدك نـاس بيـاكـلوا حـقـي
شكـلك كــنتي نـايمـه وصـاحـيه وقــتي
مـالك بـس يابنـي
وحيــاتك سبــيني لهــمي
مقــدرش اســيبك انــت دمــك هـو دمــي
يعــني مـش حـاسـه فــيا ايــه ؟
بصــي لــيـا ..!
شــايــفـه ايــه ؟
شـايفه شـعري اللـي شـاب
شـايفه عـمـري اللي انـطوى فـي صفحـت كــتـاب
شـايفه حلمـي اللي ضـاع وسـط الخــراب
شــايفــه مــيــن ؟
شـايفـه شـاب كـان نـفسـه فـ شقـه مـحندقـه
شـايفـه شـاب بـشـهاده عالـيه بـيلف بشـنطه ملـزقـه
يـتـحايـل عـ اللـي مـاشي يـشـري
وان مشـتراش يـنام لـيلتـها مـن غـير عـشا
طـب مـا غـيـرك شـغالـين ؟
الـ شـغالـين فـوق أرضـك نـوعـين
أولـهم اللـي ابـوه عـنده بـدل المـصنـع مصـنعـين
وتـانيـهم الـي بالكـوسه متـوظفـين
ولـو فـي فرصـة شـغل بـعيده عـن الاتنــيـن
قـوليـلي بـس هتسـاعـي مـيـن ولا مـين !
يـعـني بقـيـت بـتكـره امــك ؟
لا يـا امـي بـس هـحبـك اكـتر لـو معـايـا قـرشـين
وقـادر فـيـكي الاقــي شـغلـه بـس تخـليـني اكـفي اتنـين
واشـوفـك مهتـمه بـيا حـبتـين
طـب قـولـيلـي
لمـا يـبـقى سـن ابنــك كــام و تلاتــيـن
ولــسـه بيـزور حـمامه فـوق احــتيـاجه مــرتــين
بالــزمه دا يرضــي مــين
لـو اشــتغل بـيشـتغل بمــليميــن
يـدوب سجــايــره و يــاكل لقــمتين
قــولــيـلي هــيــتجــوز مــنيــن
يـبـقى يــهــيــن نــفــسه ويفضــي كــبــته فـ ثــانيــتين
بــدل مــا زي ابــنك التــاني يعــمل
يلجــئ لحــبـل ومــن فــوق كــوبــري يــلاقـوه مخــنوق مـن الـروتــين
يـا ابــني انــا فــيـا خــيــر يــكفــي أمــتــيــن!!
يــا امــي خــيــرك ضــايــع عالكــبيــر والحــيــتان
والبــساري فــيــكي عــايــش غــلبــان
قــناة ســويـس , تصــديــر , كــل ملــيـم دخــلك مســتنــيه غــول جــعان
واحــنا يـا امــي بــيــعتبــرونــا بــره الزمــان
طــب ولــيــه ســاكـت , طــالب بحقــك و ثــور !!!
صــدقــيني حـاولــنا عــلى مـر العــصور
بـس عـالـ الاهــانه اكــتبي ملايــين السـطور
كـل آبـن لــيكـي قـال للـظـلم غـور
جـوا جُحر فوق ارضك اتــرمي بعــيد عـن اي نـور
ومـن العـذاب داق ليــالي وشـهور
اتــملـت ارضـك فــسـاد
رشـوه , سرقـه , قـتل , وفـ الاقــتصــاد كــســاد
هتــتحركـي وتـريــحي فــيـكي العــبـاد
ولا هتســبيــنا نقــاسي ظلـم ايـام كلـها اســتبــداد
بـس هـعمل ايــه انــا يابــني جمــاد !!
اللي هــيــعمل هـو انــت زي ما عــملوا ايــام ما خــالد ســعيد مـات
خـاف عـليـا مـن قـلبـك و طـلع سـيف صرختـك مـن الغـماد
دافـع عـن امـك و قــول خـلاص يــا فـسـاد
لـو بـايـدي كـنت خـدتك فـي حضني
لـو بـايـدي كـنت بـلعت كـل ظـالم جـوا رمـلي
صـدقـني انـا بـحبـك
وعـارفـه انـك انـ بـكره هـتجـبلـي حـقـي
الـ هـو حـقـك فـ الاســاس
بـس لـو فضـلت سـاكــت متــلومـش ارضــي
عــشـان عـمر الــتراب مـا بـيـتحـكم فـ قـلـوب النــاس
No comments:
Post a Comment